DAGUPAN CITY– Tetetelen na lokal ya pamahalaan na baleya na San Fabian so impangibolos na danum na San Roque Dam tya sengeg na impakadelap na dakel ya barangay da kabansag na samay bagyon Ompong ed apalabas iran agew.
Onong ed kinen San Fabian Mayor Constante Agbayani, anggapo so masyadong epekto na bagyong Ompong tan say baleg ya danum labat ya nanlapud San Roque Dam so angiter na baleg ya perwisyo diad baley da.
Inkuwanto ya agda ilaluan ya baleg so inbolos dan danum manlapud dam tan lapud saya, linmereg so halos interon baley na San Fabian diad loob labat na sakey oras.
--Ads--
Diad kaplesan, patuloy so paniiter na relief goods diad saray apektadon lugar untan met saray residente ya akasempet la manlapud evacuation centers
