DAGUPAN CITY—Initdan na medalya na panangidayew manlalapud PNP Regional Office 1 so limaran pulis kaibay hepe da diad baley na Basista.
Saya et makasengeg ed impakaerel da ed say TOP 3 wanted person kaiba iray most wanted persons list na Region 1 diad baley da.
Diad impituyaw na Bombo Radyo Dagupan ed kinen Police Senior Inspector Henry Garcia, hepe na Basista PNP, impalapag tonya ya inter so pagalang ed saray pupulis ya sikara di SPO1 Jomer Montemayor, Chief Investigator tan PO1 Christian Aquino, say Intelligence Operative kabansag na Monday Flag Raising Ceremony diad PNP PRO 1.
Kaleganan tonya, akabatan ya Setyembre nen imbeneg ya taon, naaresto na saray abitlan pupulis so sakey ya Elmer De Guzman sakey ya wanted person diad baley da lapud kason rape ya insegep sa nen 1999.
Duwaran dekada ni apalabas antes iyan narel na saray otoridad.
