Hepe na PNP station ed Pangasinan ya atakewan na pigaran paltog, inekal da ed pwesto

DAGUPAN CITY—Inekal da si Superintendent Marcellano Desamito Jr. bilan Officer in Charge na Urdaneta City Police Station diad luyag na Pangasinan kasama so pigafran pulis to kasumpalan ya atakew so 41 paltog ed istasyon da.
Oneng ed kinen Police Superintendent Jackie Candelario, Deputy Provincial Director for Operations posible nin naaruman so saray pulis ya ekalen da ed pwesto kasumpalan ya firearms scandal.
Onaan lan inekal so siamiran pulis ya walay access ed supply room na istasyon.
Inmabet ed 23 diad kabuoan ya 41 so tinakew na armas so arekober na saray pulis.
Nataan ya asukayan so inpakabalang na saray paltog nen ginawa so taunan ya inventory na suplay ya saray paltog nen inbeneg ya taon.