DAGUPAN CITY – Pasa diad moling tan larag ed lima so agamuran na sakey ya grade 8 student ya bii kasumpalan yan inambon ya bugbugen na agga unabebad 20 bibiin estudyante ya puros menor de edad diad Lingayen, Pangasinan.
Mantatalaran na luluganan to so biktiman 13 anyos ya agla nginaranan nen saya so singgeran na grupo daray estudyanten menor de edad tan intagar dan mila iya diad baywalk.
Tinaktakot iya na sarayan estudyante ya no agga mila sikato so sakitan da.
Kasabi dad lugar so diman da met la inambon na aray estudyante ya ingugunot tan pinepekpek.
Akakerew na tulong iya ed security guard asingger diad lugar kanyan tnmunda so pagsasakit dad sikato.
Kaleganan tonya, akapanpaknaan so ina tan atateng na arum ya sangkot ya estudyante ya ebatan da so gastos ed tambal tan panpa-check up na abitlan biktima.
