BOMBO DAGUPAN – Ibinahagi ng Filipino-American content creator na si Bretman Rock kung gaano siya kasaya sa piling ng boyfriend na si Justice Fester sa isang social media platform.
Nito lamang linggo nag-post si Bretman ng nakakapanabik na video na nagpapakita kay Justice na siya namang nagdiriwang ng kanyang kaarawan.
Sa isang video, na kinunan ni Bretman sa loob ng kotse, makikita si Justice na papalapit sakanya na may dalang matingkad na pulang bulaklak.
--Ads--
Mabilis naman na nakakuha ng higit sa 720,000 views ang post sa loob lamang ng walong oras.
Hindi naman ito ang unang pagkakataon na ipinakilala ni Bretman ang kanyang boyfriend sa publiko.
Matatandaan na noong Hunyo 2, 2024, sa Pride Month ay ipinagmalaki niya rin ito.
