DAGUPAN CITY- Irerespeto na Kapisanan ng mga Broadcaster ng Pilipinas (KBP) so piogagep na Sanguniang Panglungsod na Dagupan ya makapangagawa na pulaing nipaakar ed saray miyembro na media ya mangikakamayat na “fake news” odino pekeng palapag ya no iner mangiiter ya na gulo ed kanunutan na totoo untan met ed pakataktakot da ra.
Diad sulat ya impawit nen KBP President Basbaño ya sikato met so Vice president na AM division na Bombo radyo Philippines, idadayew to so sayan kurang na Sanguniang Panglungsod na Dagupan city diad pampiopiogagep ton naalwaran so pangipapalapag na tuan balita ed suidad.
Natatalusan to ya sayan ordinansa et getman pangikurang na dusa ed saray manggagawa na fake news tan naiwasan so pangikamayat na misinformation ya nayarin makapangiter na kadederalan na sakey ya too nagkalaotlad saray public servant.
Bangbalet ingkuan nenBasbaño ya say KBP et wala lay ungkukurang ya legal remedies nipaakar ed sayan bengatla singa say libel tan anti-defamation laws.
Unong ni ed si Basbaño, wala met la so self regulatory system na abitlan ulupan ya akanbenben ed saray reklamo tan mangiter na dusa ed saray miyembro ton nalmuan ya simmunggay ed code of conduct.
No nanonotan, say lamot na sayan ordinansa et say fake news ya ingkamayat ed social networking sites ya singa kuno insabog na bomba ed Paseo de Belen nen panaon na kapaskuan ya nambuwisan na pituran bilay ya anggapo met so katuaan yonya.
