DAGUPAN CITY– Inatey so sakey ya datin barangay captain kasumpalan ya tinambangan diad baley na Alcala, Pangasinan.
Onong ed say impormasyon manlapud kinen PSI Ariel Viray, deputy chief of police na Alcala PNP, kinabat so biktima ya si Wilson Loria, residente diad abitlan baley.
Umpapaway ed imbestigasyon ya say biktima so balikbayan nanlapud America.
Bandad ala-tres na ngarem, akalugan iya ed say luluganan to paunlad boquig ya parte diad karukuyan na brgy. Laoac nen bigla labat iyan pinapaltog na duwaran aga kabat ya suspek.
Inyarum ni nen Viray, ya agawa mismo so insidente diad andukoy ya taytay tan agga matoon lugar kanyan anggapoy makapangituro na suspek.
Sakey ya concern citizen so nanpasabid kuwerpoy pulisya nilirad say inkagawa on iner bigla labat laran akarngel na maksil ya tanol na paltog.
Tampol dan nila eya tan asabian day luluganan ya akatunda tan say andi lad bilay ya biktima.
Akagamor eya na kenay bala diad ulo to tan beklew ya sengegan na inateyan ton tampol.
Arecover diad crime scene so pigaran basyo na bala na papanisiaan ya caliber 45 ya paltog ya posibleng inusar na suspek.
