DAGUPAN CITY -Natatakot natan si Punong barangay Nel Tablada na barangay Pedro Orata, ciudad na Urdaneta tan say pamilya to kayarin pasakbayan yan papatey nen datin PAGCOR Chairman Cristino “Bong” Naguiat.
Diad impituyaw na bombo radyo Dagupan, impalapag nen Tablada ya agawas so insidente diad loob na ospital pasado alasais nen imbeneg ya labi nen makapansabat so duwara.
Mangaliw kono komon na tambal si Tablada parad agi ton walay sakit nen asabat to si Naguiat ya unpasyar ed say abalayan to ya wala met diad ospital.
Diad agga antan rason so bigla labat iyan inturo, inayew tan pinasakbayan iya nen Naguiat ya papatey ya no iner akaarap so asawa ton untatagam ya mayor na ciudad tan aray bodyguard , pigaran pulis tan sibilyan.
Anggapo so anta na barangay kapitan ya ginawa ton aliwa tan kasalanan.
Baleg so papanisia ton lapud asingger la so eleksyon kanyan nayarin walay koneksyon ed pulitika so inpantaktakot diad sikato.
Diad natan, antakot tolan umpaway diad abong da.
Tampol met ya nanpa-blotter so opisyal diad PNP Urdaneta.
Kaleganan tonya, akagetar ya alaan na Bombo Radyo na komento dia si dating PAGCOR chairman Naguiat nilirad sayan isyu.
