DAGUPAN CITY– Unaabot ed kapalduwan milyon pesos so nikurit ya danyos ed impakapoolan na tindaan diad baley Mangatarem karumay pasados alas dos na palbangon.
Diad nalan impormasyon na Bombo radyo Dagupan diad Bureau of Fire protection o BFP Mangatarem, maples ya binmuyak so apoy diad parte na RTW section na tindaan laotla kawes so maslak ya adman ya lako.
Alanor met so vegetable section na abitlan tindaan.
--Ads--
Patuloy met nin oobserbahan diad sakey ya ospital diad Baguio City so sakey ya vendor ya akagamor na 3rd degree burn.
Diad impituyaw karuman na Bombo Radyo Dagupan ed klinen Mayor Ramil Ventinilla, papadisiran ya 10 -20 percent ya parte na tindaan so apoolan.
Diad inisyal ya report, apoolan ya kurtina so nansengegan na inkalat na na apoy.
