DAGUPAN CITY- Kinumpirma nen police supt. Franklin Ortiz, hepe na PNP Dagupan ya drug free city la so ciudad na Dagupan.
Diad impituyaw na bombo radyo Dagupan, impalapag nen Ortiz ya iilaloan dan pormal ya naideklara so ciudad na Philippine Drug Enforcement Agency o PDEA bilang drug free city antes ya nasumpal so taon.
Inkuwanto met ya kukumpletuen da lan amin ya dokumento ya iter diad PDEA pian saya so nagnap lan naideklara bilang drug free.
Imbaga nen Ortiz ya agamuran na PNP so time line ya inter ed sikara. Sampot ya nilinis dad droga so barangay Calmay, Pugaro tan barangay 2 tan 3.
Anggapo la konoy amonitor ya drug personalities ed saray barangay ya nagmaliw ya basian piyan naideklaran drug cleared la so ciudad. Inmonor met iray drug surenderers diad rehabilitation program na gobyerno.
Diad kaplesan patuloy so koordinasyon dad saray barangay officials ya untulong ed panmonitor diad say nasasakupan da umpian agla ra unpawil ed illegal ya aktibidad.
Inyarum ni nen Ortiz nya sakey ya baleg hamon ed sikara ya imintina so pagmaliw dan drug free city.
