DAGUPAN CITY-Akaarap ed kaso so sakey ya Chief Tanod diad San Carlos City ya papanisiaan ya miyembro na organized crime group kasumpalan ya nalaan na shabu, paltog tan aray bala.
Diad biskeg na search warrant, so hinalughogy hinalughog so panaayaman na suspek ya si Roger Valdez residente na Brgy Guelew San Carlos City ya ibabagan miyembro na Paed crime group ya responsable ed say insedente na takewan tan illegal drug trade.
Akulong la so suspek sa nen taon 2016 lapud kason walay koneksyon ed illegal drugs.
Nala ed kustodiya to so 6 sachet na papanisiaan ya shabu, calibre 38 ya paltog tan aray bala.
Akagetar ya ipasilong diad ballistic examination sopaltog ya nala diad sikato piyan naantaan no saya so nausar ed kremin.
Malet balet ya imburi na suspek ya sangkot iya ed kremin tan aray nalan ebedensiya diad loob na abong to so agto kono pankayaryan.
