Pinarangalan ang Bombo Radyo Philippines bilang Most Reliable AM Station ng Trinity University of Asia sa 10th Platinum Stallion National Media Awards 2025.
Ang parangal na ito ay batay sa isang malawakang survey sa komunidad ng unibersidad at sumasalamin sa dedikasyon ng Bombo Radyo sa paghahatid ng mapagkakatiwalaang balita, serbisyong publiko, at impormasyon sa mga Pilipino sa loob at labas ng bansa.
Ang Platinum Stallion National Media Awards ay isang prestihiyosong event na kumikilala ng kahusayan sa iba’t ibang sektor ng media, kabilang ang telebisyon, radyo, pelikula, digital, at mga lumalabas na platform.
Ang Trinity University of Asia (TUA), isang pribado at Kristiyanong unibersidad sa Lungsod Quezon, ay itinatag noong 1963 at dating kilala bilang Trinity College of Quezon City.
Isa itong respetadong institusyon na tanyag sa larangan ng health sciences, business, communication, information technology, at social sciences.
Bukod sa pagkilalang ito, patuloy nang kinikilala ang Bombo Radyo Philippines bilang nangungunang at pinakapinagkakatiwalaang radio network sa bansa ng iba’t ibang pambansang research organizations.
Batay sa Philippine Information Agency (PIA) National Survey on Media and Information, tinanghal ang Bombo Radyo Philippines bilang Most Trusted News and Information Source sa Radio Category.
Ayon naman sa OCTA Research 2024 Fourth Quarter TUGON NG MASA SURVEY, Bombo Radyo ang pangunahing radio station na pinagmumulan ng balita at impormasyon ng mga adultong Pilipino.
Bukod dito, kinilala rin ng Pahayag Survey Series ng Publicus Asia, Inc. ang Bombo Radyo bilang Most Trusted Radio Network sa Radio Category.
Ang mga parangal na ito ay patunay ng pagiging #1, pinakapinagkakatiwalaan, at pinakamatibay na radio network ng Bombo Radyo Philippines. Sa patuloy nitong pamamayagpag sa larangan ng radyo, nananatili ang Bombo Radyo sa misyon nitong maghatid ng totoo, wasto, at mahalagang balita sa mga Pilipino. Basta Radyo… BOMBO!
