DAGUPAN CITY– Akaarap natan ed pigaran kaso so sakey ya barangay kapitan ya papanisiaan ya makankayaryan na armed group kasumpalan ya narelan na aray paltog tan bala diad luyag na Batangas.
Kinabat so suspek ya si Jay Monterola, barangay kapitan diad Barangay Sta. Clara , diad baley na Sto. Tomas.
Insilbi na saray kabiangan na Calabarzon Police so search warrant ya impaway nen Judge Agripino Morga na San Pablo City RTC kontra ed kinen Monterola.
Nala ed podir na suspek so sakey ya carbine rifle, caliber 30, duwaran magazine, carbine ya walay 56 bala, animeran magazine na caliber 45 tan 43 piraso na bala na caliber 45.
Kaiba met ya narel so duwaran suspek ya kinabat ya sikara di Crizaldo Castillo tan Samuel Gordoro ya papanisiaan ya miyembro na private armed groups na naareston punong barangay.
