DAGUPAN CITY-Kinumpirma nen Provincial health officer Dr. Ana Marie de Guzman ya agni akaloob diad bansa partikular diad luyag na Pangasinan iray kontaminadon meat products ya nanlapu ed China tan pigaran European countries ya apektado na African Swine Fever.
Onong ed kinen de Guzman, say papagaan da so makaloob diad bansa iray frozen meat ya nanlapud China diad panamegley na port area.
Manilalo iyan agla komon iya makaloob diad bansa.
Kaleganan tonya, anggapo ni ginawan inpanaral ya nayarin naiyalis diad too so African swine fever.
Inpayo to ed katuuan ya palanang manlinis diad kaliber-liber tan manuras na lima piyan naiwasan so virus.
No nanonotan, aka-alerto natan so nanduruman pantalan diad bansa piyan naalwaran so posibleng pakaloob na saray abitlan kontaminadon meat products.
Pigara ed saray bansan posiblen panlapuan tonya et say China, Belgium, Hungary, Latvia, Poland, Romania, Russia tan Ukraine.
