DAGUPAN CITY- Nagsagawa ng inisyal na pagpupulong ngayong Biyernes, Mayo 16, ang mga bagong halal na opisyal kasama ang punong-bayan sa Conference Room ng Municipal Building sa bayan ng Mangaldan.
Tinalakay sa pulong ang gaganaping Victory Motorcade mamaya na magsisimula sa alas-7 ng umaga mula sa Mangaldan Central School.
Pinaghandaan din ang Inaugural Ceremony sa Hulyo 1 sa harap ng Presidencia de Mangaldan.
Ibinahagi ang plano para sa entablado, daloy ng programa, at logistics.
Inilatag din ng punong-bayan ang mga pangunahing proyekto sa kanyang bagong termino, kabilang ang bagong municipal building, community hospital, at rehabilitasyon ng plaza.
Layon ng pulong ang mas pinatibay na ugnayan para sa isang mas progresibong pamahalaang lokal.
