Mga kabombo! Isa ka din ba sa mahilig mag-ukay?
Yung tipong aabutin ka ng ilang oras para lamang makahanap ng iyong gustong bilhin. Ngunit paano kapag napagsaraduhan ka sa ukayan habang nagsusukat.
Ano ang gagawin mo?
Isang babae kasi ang napagsaraduhan sa loob ng tindahan ng isang ukayan habang nagsusukat ng kaniyang bibilhin.
Ito ay matapos na kinaaliwan at sinubaybayan ng netizens ang post ni Mich Guevarra, kaugnay sa kakaiba niyang karanasan.
Habang nasa fitting room para magsukat, biglang raw namatay ang ilaw pero hindi niya pinansin sa pag-aakalang nagka-brownout lang.
Pero ang hindi niya alam, hudyat na iyon na isasara na ang ukayan hanggang sa mapagsaraduan na nga siya at na-lock sa loob.
Ilang beses umanong kumatok si Guevarra sa pinto para ipaalam na may tao pa sa loob ng tindahan.
Inabangan naman ng netizens kung makakalabas ba siya ng tindahan. Hanggang sa nag-post siya dakong 10:35 pm, na nakalabas na siya na may kasamang crying emojis.
Isang staff daw na nasa kalapit na tindahan ang nakapansin sa kaniyang paghingi ng tulong at ito na rin tumawag ng tulong ng guwardiya para mabuksan ang pinto ng tindahan.
