Dagupan City – Matagumpay na inilunsad ang “Training on the Operationalization of Special Drug Education Center (SDEC)” sa lungsod ng Alaminos.
Pinangunahan ito ng Lokal na Pamahalaang Lungsod ng Alaminos sa pamumuno City Mayor Arth Bryan C. Celeste.
Dumalo naman sa aktibidad ang mga Barangay Council for the Protection of Children Representatives at Sangguniang Kabataan (SK) Chairpersons sa Office of the Provincial Agriculturist (OPAG), Barangay Poblacion, katuwang ang City Social Welfare and Development Office, City Special Drug Education Center Team (CSDECT) na naglalayong makapagbigay ng karagdagang kaalaman sa mga legal at etikal na pamantayan na may kaugnayan sa mga drug education programs at ang epektibong pamamahala at pagpapatupad sa mga ito.
Samantala, ang Resource Speakers naman sa naturang pagsasanay ay sina CLGOO Victoria Jean P. Dawis na kinatawan ni LGOO II Benalyn Radam at Social Welfare Officer IV/SWD Team Leader of Ilocos Sur Fe G. Sarmiento.
