Dagupan City – Arestado ang 4 na indibidwal sa syudad ng Alaminos sa ikinasang buybust operation ng Philippine Drug Enforcement Agency (PDEA) Pangasinan.
Ayon kay Rechie Camacho, Provincial Officer, PDEA Pangasinan, nahulihan umano ang 4 na ito ng 70 gramo ng shabu na may halagang P467,000, sasakyang ginagamit sa ilegal na transaksyon, 1 calibre ng baril at ilan pang kagamitan.
Kinilala naman ang suspek na sina Maria Sison, Noriel Celeste, Edgar Abad, at Justine Rodrigo na hindi umano residente sa nasabing syudad.
Sa kasalukuyan, nahaharap ang mga ito sa kasong Section 5 na may kaugnayan sa Section 26 ng Article II ng Republic Act 9165 at Republic Act 10591.
Paalala naman nito sa publiko, hindi lamang ito natatapos sa pagkakaaresto, ngunit maging sa kanilang pagbabago ay patuloy nilang tututukan.
