Isang 49 anyos na lalaki sa bayan ng Villasis, arestado matapos makumpiskahan ng nagkakahalagang higit P300k na hinihinalang shabu

DAGUPAN CITY- Arestado ang isang 49 anyos na lalaki sa bayan ng Villasis matapos makumpiskahan ng nagkakahalagang P302,688 na hinihinalang shabu.

Ayon kay PMaj. Edgar Allan Serquiña, Officer in Charge ng Villasis PNP, natimbog sa bisa ng Search Warrant si Welson Novencido, isang magsasaka, at residente ng Brgy. Amamperez, sa naturang bayan.

Aniya, nakumpiskahan ito ng 41 pirasong sachet ng hinihinalang shabu na may bigat na higit o kumulang 44.51 grams, 27 piraso ng nakarolyong aluminum foil, 6 piraso ng assorted lighter, 1 improvised tooter, 3 plastic packs na naglalaman ng plastic sachet, at iba pang mga kagamitan.

Dinala naman ang suspek sa kustodiya ng Villasis PS at nahaharap sa kasong paglabag sa Republic Act 9165.