DAGUPAN CITY- Arestado ang isang Street Level Indivudual na 43 anyos na lalaki sa Brgy San Bartolome, bayan ng Rosales matapos magkasa ng buy-bust operation ang Rosales PS.
Ayon kay PCMS. Marlon Palaruan, Chief Investigator ng Rosales MPS, kinilala ang suspek na si John Carlo Advincula alias Carlo, 43 anyos, isang tricycle driver, residente ng Brgy. Ariston East, sa bayan ng Asingan.
Sa ikinasang buy bust operation ng naturang himpilan, sa koordinasyon ng Philippine Drug Enforcement Agency-Region 1, naaresto si Advincula matapos mahuli sa aktong nagbebenta ng isang pirasong sachet ng hinihinalang shabu.
Nagkakahalagang P16,592 ang nakumpiskang hinihinalang shabu sa suspek kabilang ang 2 pang sachet ng hinihinalang shabu.
Nakumpisakahan din ito ng 5 piraso ng P100 bill bilang is marked money, 5 piraso naman ng P500 peso bill na boodle money, at iba pang non-drug evidences.
Base naman sa pagtatanong sa suspek, nagmumula din sa lugar nito nagmumula ang suplay niya ng ilegal na droga.
Kasalukuyang nakapiit sa himpilan ng Rosales PS at nahaharap naman sa kasong paglabag sa Article II, Sec 5 at Sec11 of Republic Act 9165 o Comprehensive Dangerous Drugs Act of 2002.
