Pulis, patay matapos bumangga ang sinasakyang motorsiklo sa isang puno

Patay ang isang  pulis  matapos maaksidente sa kahabaan ng Tarlac-Pangasinan highway sa Brgy. Buer, Aguilar, Pangasinan.

Kinilala ang biktima na si Pat. Ervin Ocampo y Nepacina,  may asawa at residente ng  Brgy Laois, Labrador, Pangasinan.

Ayon sa initial na imbestigasyon, sakay ang biktima ng kanyang motorsiklo at pahilagang direksyon nang aksidente siyang bumangga sa  puno ng  Eucalyptus  na  nasa gilid ng highway.

Ang driber  ay nagtamo ng sugat sa ibat ibang bahagi ng kanyang katawan.

Kaagad na dinala ang biktima sa Blessed Holy Trinity Hospital, Mangatarem, Pangasinan subalit ideneklarang dead on arrival ng  kanyang attending physician.

Pinaniniwalaang nakaidlip sa daan ang biktima kaya ganun ang sinapit nito.