Chinese national, 4 na pinoy arestado matapos makuhanan ng P3.2 milyong halaga ng pinutol na troso

DAGUPAN CITY– Nahaharap sa kaukulang kaso ang isang Chinese national at apat na mga Pilipino sa Guiguinto, Bulacan matapos silang makuhanan ng P3.2 milyong halaga ng mga troso na ilegal na pinutol mula sa Sierra Madre Mountains.

Ayon s a impormasyon nasa 56,000 board feet ng primera klaseng mga piraso ng Narra, Kamagong, Tindalo, Tanguile, Yakal, Mayapis at Benguet pines ang nakuha sa warehouse ni Ricky Yu sa boundary ng Barangay Tabe.

Kinasuhan na ng paglabag sa forestry laws si Yu at mga kasabwat nitong sina Andy Binos, Robert Bonaobra, Ernesto Vasquez Jr., at Jerry Beljica.

Ang pagka-aresto sa 5 suspek at pagsamsam sa mga troso ay kasunod ng surveillance operations ng DENR at National Bureau of Investigation (NBI) sa aktibidad ng grupo.