Maraming atleta ng National Capital Region o NCR ang galing mula sa Ilocos Region at iba pang rehiyon.
Ito ayon kay Edilberto Abalos, Regional Technical Director ng Region 1 Athletic Association (R1AA) ang dahilan kung bakit nangunguna taun-taon ang NCR sa medal tally sa Palarong Pambansa.
Ayon kay Abalos, minsan ay tinawatag nila ang NCR na “The Pirates” sapagkat pinipirata ng mga ito ang magagaling na atleta mula sa ibang rehiyon upang sa susunod na palaro ay magiging kakampi na nila ang mga ito.
Base aniya sa kanilang monitoring, may mga coaches ng NCR mula sa iba’t-ibang sikat na eskwelahan ang nag-ooffer ng scholarship sa mga magagaling na atleta. Kaya inaabisuhan nila ang mga coaches ng Region1 na kausapin ng maiigi ang mga atleta upang hindi makuha ng NCR.
Dagdag pa nito, walang espisikong batas na nagbabawal sa ganitong paraan kaya wala silang magagawa kundi paalalahanan lamang ang mga atleta.
