Patay ang isang 4 na taong gulang na batang lalaki matapos maltratuhin ng kanyang amain sa bayan ng Bugallon, Pangasinan.
Kuwento ng inang si Angela San Andres, ala-4 ng hapon nang makitang nakahiga sa kama ang kanyang live -in partner na si Jessie Garbo at anak na si Erwin habang pinapatulog ito.
Pero nang hindi matulog ang bata ay kumuha siya ng walis tambo at pinalo sa ulo ang biktima na nagresulta sa pagdurugo ng ulo nito.
Sinubukan pa umanong pakainin ng nanay ang biktima pero nagalit ang suspek at inutusan pa itong magtulak ng duyan ng kapatid.
Kalaunan ay huminga ang bata dahil nahihirapang huminga pero inutusan pa raw siya ng suspek na magtulak ng duyan ng kapatid at kahit nahihirapan na ang bata ay binogbog pa niya.
Maya maya ay napansin ang bata na nakahiga na at hindi na humihinga.
Doon pa lang siya itinakbo sa ospital pero huli na ang lahat dahil pumanaw na ang ito.
Sinampahan na ng kasong murder ang suspek na ngayon ay nagtatago na sa mga otoridad.
