DAGUPAN CITY– Ni-raid na aray otoridad o sakey ya abong ya papanisiaan ya drug den diad barangay Poblacion, San Fabian, Pangasinan.
Naaresto diad search Warrant operation so 40 anyos ya negosyanten si Joselito Largo.
Onong ed pulisya, ginawan drug den na suspek so uupaan tonyan panaayaman.
--Ads--
Front tonya so panagparenta na videoke tan panlalako na mantika.
Dayo suspek tan duway taon to ni diad lugar.
Abayag lan mamanmanan na pulisya so suspek anggad ginawa so search warrant.
Bukod ed say suspek, naaresto met diad raid so anemiran arum nira kabiangan so taloran menor de edad.
Arekober diad tutuluyan ton abong so unliligada ed 54.5 gramo ya papanisiaan ya shabu.
