DAGUPAN CITY– Anggapo so namomonitor na aray otoridad ya antokaman ya pasakbay ed seguridad diad Region 1, 2 tan 3 kaibay Cordillera Administrative Region kayari na agawan suicide bombing diad Jolo, Sulu.
Saya so imporek nen Major Erickson Bulosan, say spokesperson na AFP Northern Luzon Command (NOLCOM) diad ekslusibon impituyaw ed sikato na Bombo Radyo Dagupan.
Onong ed opisyal, patuloy so panbabantay da tan makakaliket ira ta anggapo met so naaawat dan banta na terorismo diad saray abitlan lugar.
--Ads--
Anggaman ipapasen ya ligtas, impalapag nen Bulosan ya mansansia ni tan mas eletan da ni pangawa na Civil military operations piyan naiwasan ya nagawa so singa say agawan inpanpasabog diad Mindanao.
