Dagupan city– Papanisiaan ya kolkolan diad pamilya so angitulak ed sakey ya pastor ya man bikkel diad panamegley na inpan-inom to na insecticide diad baley na Quintin, Pangasinan.
Kinabat so biktima ya si Rodolfo Bacdayan, 49 anyos, walay asawa sakey ya pastor na Church of God tan residente ng barangay Carayacan, San Quintin.
Onong ed nalan impormasyon, sakeya ya Caridad Bertudez, 55 anyos tan residente diad abitlan barangay so akanengneng ed say biktima ya akadukol la diad sakey ya farm diad barangay da.
Tampol met iyan kinmerew na tulong ed saray barangay Official.
Arekober diad lugar so bote na insecticide ya papanisiaan ya inusar ton inpanbikkel.
Onong ed say kanayon na biktima, walay liliknaen ton problema diad pamilya da tan saya so nayarin angitulak ed say biktiman manbikkel.
