DAGUPAN CITY– Kritikal natan so sakey ya estudyante kasumpalan ton nangetman manbikkel nen saya so tinmaboy malapud kumapat o kumaliman grado na University of Luzon diad ciudad na Dagupan.
Wala nid Internsive care Unit o ICU na Luzon Medical Center o LMC so biktiman si Rommel Ramos, 21 anyos tan residente na Primicias Sta Barbara, Pangasinan.
Papanisiaan ya tinmaboy so biktima ed kumapat o kumaliman grado na abitlan eskwelaan pasado alas sais na labi.
--Ads--
Apuruan so beneg na ulo na biktima tan sikato natan so patuloy ya oobserbaan diad ospital.
Ibabagan problema diad kuwarta so sengeg na getman panbikkel na say abitlan estudyante.
