DAGUPAN CITY-Matalonggaring so ginawan blood letting activity na Bombo Radyo Philippines ya Dugong Bombo 2018 diad duwaran venue diad luyag na Pangasinan.
Diad katibokelan, akapangikurit na 301 successful blood donors so Bombo Radyo tan Star FM Dagupan ya ginawa diad CB Mall ed syudad na Urdaneta tan Pangasinan Police Provincial Office diad baley na Lingayen.
Anggaman medyo arawi ray venue, agya ya nagmaliw ya rason piyan ag ira makakar tan makapan donate na dala so amin ya akibiang natan ya taon ed say sangkabalegan ya nationwide blood letting activity ya “Dugong Bombo 2018” A LITTLE PAIN… A LIFE TO GAIN!
Dinauloan iya na say liderato na Pangasinan PNP ya sinmuporta ed abitlan aktibidad, untan met say Philippine Coast Guard, Philippine Army, Samahang Ilokano, DepEd Pangasinan II Division, BJMP, tan pigaran pribadon indibidwal kabiangan iray empleyado na Bombo Radyo tan Star FM Dagupan.
