DAGUPAN CITY—Manpapabig la so 77 estudyante na San Lorenzo Elementary School diad Masinloc Zambales kasumpalan ya a food poisoning.
Tampol ya imbatik diad ospital iray estudyante kasumpalan ya akalikna na sintomas na food poisoning lapud kinan dan macaroni salad ya ilalako diad loob na kantina.
48 ya estudyante so inawit diad Candelaria District Hospital kaleganan ya 28 so inawit diad Iba District Hospital.
--Ads--
Maong metla natan si kipapasen daray biktima.
Anggaman untan, tuloy so imbestigasyon na saray otoridad ed asalitan insedente.
