2 yrs old ya ogaw inatey kasumpalan ya nalner

DAGUPAN CITY – Inatey so duway taon ya ogaw kasumpalan ya nalner diad ilog ed ciudad na Dagupan.

Kinabat so biktima ya si King Anthony Ferrer, residente na Tambac District Dagupan City.

Onong ed impormasyon, sakey agew antes ya nalmo so bangkay ton manleletaw diad ilog , inanap ni iya nen saya so abalang bandad alas tres na ngarem.

Kaimbuwasan to, alas singko singkwenta na kabuasan nen nalmo so bangkay to diad ilog.

Papanisiaan ya nalner so ogaw lapud kasil na agos na danum diad ilog.