DAGUPAN CITY– Unaarap ed kason child pornography so sakey ya elementary teacher diad baley na Bayambang, luyag na Pangasinan.
Saya et kasumpalan ya nilusob na saray kabiangan na National Bureau of Investigation o NBI Dagupan tan Anti Cyber Crime unit na Department of Justice so abong tonya.
Diad biskeg na search warrant, inunaan so abong na 22 anyos ya agni nginaranan ya maestro ed sakey ya pribadong eskuwelaan.
Akabatan na bombo radyo Dagupan ya akaawat na reklamo so DOJ ed say panlalako on line na suspek na saray mabanbanday iran litrato tan video na katayakdang.
Onong ed report, puros dayuan ya walad kalangweran so ibabagan ka transaction na sayan maestro.
Kinumpiska ed posisyon tonya so lap top, Cellphone, USB , monitor tan arum nin uusaren to ed panlalako on line.
Agni akapangiter na palapag to abitlan maestro.
Kaleganan tonya, inawit met la iray akumpiskan gamit na suspek diad anti cyber crime unit piyan napabiskeg iray ibidensya antes yan pormal ya isegepan na kaso.
