DAGUPAN CITY– Inatey so sakey ya dise nuwebe anyos ya service crew kasumpalan ya nanbikkel diad ciudad na Dagupan.
Kinabat so biktima ya si Banjo Zabala, dise nuwebe anyos, service crew ed sakey ya pakanan diad siyudad na Dagupan, tan residente diad Barangay Mayombo.
Anengneng labat la so biktima ya nanbikkel diad loob na abong da na say kaabay na abong da.
--Ads--
Tampol ya tinulongan so biktima bangbalet saya so indeklaran inatey la nen kasabi dad ospital.
Kaleganan tonya, onong ed say ina na biktima, sampot ton anengnweng so anak to ya sinmingger ed sikato tan manaanap na singer.
Aantaen na saray otoridad so posiblen motibo na biktima ed say inpanbikkel to.
