DAGUPAN CITY– Nilinew na Anda PNP ya aliwan amin ya siran bangus ya aangkaten diad merkado so kontaminado ng Fishkill.
Onong ed kinen P/ Sr. Inspector Arnulfo Rigos III hepe na Anda PNP, agga makabaliksan ya say indakel na saray siran bangus diad tindaan so epekto na fishkill.
Inkuwanton, singa singa na-exaggerate labat so salitan ‘fishkill’ta say agawan talaga so ‘force harvest’ no iner apilitan labat iray fish pen owners ya alaen iray aalagaen dan sira piyan agla umpatey tan pinabangan ni iraya.
Inyarum tonin agga aboloyan na saray makangawa na siran umpatey so alaga da antes nin iharvest.
Diad maganon salita, ligtas so pansaliw tan pangan na saray siran dinmalan diad abitlan proseso ta agga met iya kontaminado na antokaman ya bacteria.
Nilira ed saya, pinayuan met na hepe so publiko ya imanuen ya maong so sasaliwen ya sira partikular aray bangus diad tindaan piyan untan agga nabiktima na food poisoning.
