DAGUPAN CITY– Kumpiyansa si National Security Adviser Hermogenes Esperon Jr.ya nagnap lan magmaliw ya ley diad primiron semestre na taon 2018 so National ID system diad bansa.
Diad eksklusibon impituyaw na Bombo Radyo Dagupan ed kinen Esperon, inkuwanton asingger lan magmaliw ya nagnap ya ley so inkiwala na National ID System na bansa lapud wala la ed third tan final reading na Kongreso.
Inkuwanton, apantongtongan dala iya ed Cabinet meeting sa nen apalabas ya Simba kaiba si Presidential Spokesman Harry Roque no iner wala lay gagaween da lan preliminary works piyan mas napapeles so implementasyon tonya.
No nanonotan, mismon si Presidente Rodrigo Duterte so mangikukurang piyan naipasa so national ID system diad bansa piyan nawalaan na national security code parad amin ya Pilipino.
