DAGUPAN CITY– Inatey kasumpalan ya nanbikkel so sakey ya kinse anyos ya balolaki diad baley na Asingan, Pangasinan.
Kinabat so biktima ya si Terence June Mendijar, kinse anyos, grade 10 student tan residente na Barangay Domanpot diad baley na Asingan.
Diad imbestigasyon na saray otoridad, anengneng na bae na biktima ya si Mercedes Mendijar so akasabit ya laman na biktima diad loob na abong da.
Nanusar so biktima na nylon cord ya insinger to diad tablad walad atep na abong da.
Kaleganan tonya, akabatan ed say intilak ya suicide note na biktima ya say sengegan na inpanbikel to et lapud inpisiyan ed sikato na say inaro to tan say inpansiyan met na saray atateng tonya.
Onong ed imbestigasyon na Asingan PNP, anggapoy indikasyon na foul play diad abitlan inkagawa.
