DAGUPAN CITY– Patuloy so gagaween ya imbestigasyon na saray otoridad ed say impakalmo na bangkay na sakey ya masiken ya akakargaad sako tan akasinger diad baley na Malasiqui, Pangasinan.
Kinabat so biktima ya si Rafael Lopez, 61 anyos, dumaralos tan manaayam diad Barangay Luyan, Mapandan, Pangasinan.
Say bangkay na biktima so anengneng diad bakanteng lote ed Barangay Asin East, Malasiqui di Rogelio Villegas tan Dante Geronimo, parehon walad suston edad tan manaayam diad asalitan lugar.
Onong ed PNP Malasiqui, say bangkay na biktima so akakarga diad duwaran baleg ya sako tan say interon ulo tan lupa to so akabalkot na packaging tape.
Walay taloran saksak diad kawigin pagew na biktima.
Say inap na saray taklay na oley, say biktima so pinatey diad arum ya lugar tan imbantak labat diad saman ya lugar.
Nayarin duway agew lan inatey so biktima antes ya anengneng ta anawet la tan manmigmig lay laman to.
