DAGUPAN CITY– Malet ya seguridad so ipatonton natan diad ciudad na Alaminos nilirad say nagawang pormal ya panlukas na Region 1 Athletic Association Meet (R1AA) 2018.
Bukod ed isasbi na saray unbisitan atleta tan aray delegado manlapud nanduruman lugar diad Rehiyon Uno, et ilaluam so isabi na saray atatagey ya opisyales aliwa labat diad Pangasinan no ingen manlapu nid arum ya probinsya.
Iilaluan so isabi di Ilocos Sur Gov. Ryan Luis Singson tan Vice Gov. Jeremias Singsong parad say pan-turn over na R1AA banner diad LGU Alaminos ed panuna nen mayor Arthur Celeste, bilang host natan ya taon.
Iilaluan ya naani na alas-kuwatro na ngarem, nagawa so tradisyunal tan marake rakep ya parada na saray atleta tan delegado ya manlapud 14 ya schools division ya manlalaban no iner pikabiangan na Pangasinan 1 tan 2 division, La Union, Ilocos Sur, Ilocos Norte tan ar aray delegado ya manlapud ciudad na Dagupan, Alaminos, San Carlos, Urdaneta, San Fernando, Candon, Vigan, Batac tan Laoag, ya pangigapuan na R1AA 2018.
Untombok dia so pormal ya opening program bandad alas-singko y media na ngarem tan sumpalen so programa diad panamegley na fireworks display bandad alas-siete y media na labi.
