DAGUPAN CITY– Duwaran maestra na public school diad ciudad nas Urdaneta so abiktima na ATM skimming.
Ataktakot labat la ira di Clifford Daluya tan Andy Jacobe nen adeskubre dan abawasan so kuwarta da ya walad Landbank of the Philippines Urdaneta Branch.
Onong ed kinen Daluya, akaawata labat ira na text alert manlalapud Landbank ya saya so nanwithraw na 45,000 kanyan tampol iyan linma diad abitlan bangko.
Diman to akabatan ya aliwa labat lan sikato so abiktima no ingen sakey nin kapara tion maestro ya si Jacobe ya abalangan na 5,000 ed say account to.
Nen mangawang imbestigasyon so atraced ya diad San Fernando Pampanga ginawa so inpan-withdraw na kuwarta da.
Nanpormisa so abitlan bangko ya iimbestigaan so abitlan insedente.
Onong bale ted say Bangko Sentral ng Pilipinas o BSP Dagupan posiblen abiktima ira na ng ATM skimming .
Say ATM Skimming so illegal ya pankopya na impormasyon na credit card o ATM diad panamegley na skimming device.
