DAGUPAN CITY– Impalapag nen National Security Adviser Hermogenes Esperon Jr. ya mansansian manalerto so kabiangan na kapulisan tan sundalo diad interon bansa kontra posiblen pangawa na terorismo na komunistang grupo makalanor ed say manasingger lay pagsilibra na pasko.
Onong ed kinen Esperon nakaokolan ya man-alerto tan mansansian wala ed ‘defensive position’ so tropa na saray sundalo partikular diad saray lugar ya kampo na saray rebeldeng komunista.
Inayarum nen Esperon ya aliwan porke asingger lay pasko so mansilibra metla iray sundalo tan pulis.
Inkuwanton mansasansian aka red alert so abitlan hanay tan mansasansian so gagaween dan operasyon.
Manepeg labat kono so unyan kurang piyan naiwasan ya walay nadamay iran sibilyan no bilang makanonot iran unatake.
Kaleganan tonya, akagetar ya mansilebra na 49th founding anniversary so Communist Party of the Philippines (CPP) diad December 26 kanyan tatangguyoren da aliwa labat lan saray AFP tan PNP no ag say pati publiko ya palanang ya alerto ed amin ya bengat la.
