DAGUPAN CITY– Kinumpirma nen Sual mayor Roberto ‘Bing’ Arcinue so ibisita lamet nabuas nen presidente Rodrigo Duterte diad luyag na Pangasinan.
Inkuwanton unla so presidente partikular diad baley da piyan dauloan so sakey ya send-off ceremony parad saray Vietnamese fishermen ya kaplesan ya wala ed Sual Fishing Warf papawil diad bansa da.
No nanonotan, say limaran nakekeraan ya Vietnamese Fishermen ya pasempeten nabuas so kakaiba na duwaran apatey ya sikara di Phan Van Liem tan Le Van Reo kasumpalan ya illegal ya nansigay diad dayat ya nasasakupan na baley na Bolinao.
Apatey so duwara na saray miyembro na Philippine Navy nen sikara so miusilan diad dayat ya inmabt na angga nid 54 nautical miles na baley na Bolinao.
Inyarum ni nen Mayor Arcinue, ya karuman so nangawa la na briefing tan inspection diad lugar so Presidential Security Group o PSG.
