DAGUPAN CITY– Comatose natan so sakey ya trenta’y sais anyos ya laki kasumpalan ya nanbikkel diad baley na Alcala, Pangasinan.
Kinabat so biktima ya si Elvin Ubaldo, residente na Barangay Canarvacanan diad baley na Alcala.
Diad inisyal ya imbestigasyon na saray otoridad, umpapaway base ed testimonya na asawa na biktima ya kinabat ya si Perlita Ubaldo, inmalis iya diad abong da piyan manaliw na sigarilyo parad asawa to bangbalet kapawil tonya , anengneng to iyan akabitin la so asawa to diad kubo da.
Tampol ya kinmerew na tulong si Mrs Ubaldo piyan naileksab so laman na biktima. Imbatik iya diad ospital piyan saya so naisalba bangbalet indeklara na aray doktor ya saya so comatose.
Aantaen natan na Alcala PNP so posiblen motibo sed say inpanbikkel na biktima.
