DAGUPAN CITY– Intawag imano diad publiko nen Julieta Orias NFA provl administrator na Aurora province tan datin assistant administrator ng NFA Eastern Pangasinan ya agga manpipirdi na belas.
Diad esklusibon impituyaw na bombo radyo Dagupan, tinangguyor nen Orias so publiko ya anggad nayaru so iwasan ya manpirdi na niluto o mangan labat na sarag ya uputen.Inkuwanton baleg layan bengat la piyan nabawasan so aangkaten ya belas diad bansa.
Say palapag nen Orias so nilirad pansilibra tayo na natan ya bolan na Nobyembre na National Rice Awareness Month.
No nanonotan base ed inpa-aral na Philrice, unaabot ed sanlasus tan apataplo tan apat ya kilo na belas so nauupot na saray Pilipino kada taon no iner taloran kutsaran niluto so napipirdi.