DAGUPAN CITY– Impalapag na Armed Forces of the Philippines Northern Luzon Command o AFP NoLCom ya akataryan naynay so tropa da diad posibilidad ya walay nagawan terorismo diad bansa lautla manasingger la so Association of Southeast Asian Nations o ASEAN Summit ya nagawa diad luyag na Pampanga.
Diad eksklusibon imppituyaw na Bombo Radyo Dagupan ed kinen Lieutenant Col. Isagani Natoc, spokesperson na AFP NoLCom, imbaga tonyan prioridad na tropa da ya nasiguro so seguridad tan napansansiay kaligtasan na saray VIP’s tan bisita ya manlapud nanduruman bansa ya undagop diad ASEAN Summit.
Anggaman melag so posibilidad ya nawalaan lamet na pan-atake na saray teroristan grupo diad arum ya parte na bansa so akatarya met nin sansia so puwersa dan natugunan ya tampol so gaween ya panggulo na saray teroristang grupo partikular saray manlapud parte na Mindandao.
Inkuwanto ya partikular ya tututukan na puwersa da iray NPA diad area da makalanor sikara so nayarin mangawa na terorismo balet imporek to ya arawin nagawa so panggulo da diad Central Luzon no iner gaween so ASEAN Summit.
Immunad saya, inmapila si Presidente Rodrigo Duterte diad saray umbaley ya Pilipino ya mantarya ed say pasimbalon pasakbay ya terorismo diad bansa.
