DAGUPAN CITY- Aga la imabet ya mabilay ed ospital so sakey ya karpintero kayarin undumbo so mamanehoen ton tricycle ed street lights tan konkreton poste ed syudad na San Carlos Pangasinan.
Dyad imbestigasyon na San Carlos PNP, agawa so insedente ed kalsada na Brgy San Juan ed abetlan siyudad no ener et paleksab lad taytay so biktiman si Efren Manaois, 50-anyos ya residente na Brgy. Calobaoan dyad abetlan siyudad nen ayaet bimangga ed tricycle ed streetlights tan konkreton poste.
Awalaan na sugat ed nanduruman parte na laman to so biktima ya insugor ed patambalan balet indeklaran dead on arrival.
--Ads--
Naantaan ya akainom so biktima nen agawa so insedente.
