DAGUPAN CITY– Manisia so resident boxing analyst diad luyag na Pangasinan ya si Mr. Mortz Ortigoza ya ‘fatigue’ o kesaw so makasengegan na ataluan nen Mixed Martial Arts superstar Conor McGregor diad laban da nen undefeated boxer Floyd Mayweather Jr. ya ginawad sa Las Vegas, Nevada.
Anggaman mas ogaw tan mas maksil so laman nen McGregor kumparad si Mayweather so atalo nin sansia ta agto asarag so kesaw tod pilalaban.
Onong ed kinen Mr. Ortigoza, marakep sp nagmaliw ya laban na duwara diad plimiro anggad 4th round bangbalet diad 5th round anengneng tonyan kinmapoy si Mc Gregor ta akasangi la ya senyales na sobran kesaw.
Saray galay tonya singa say inlakap tod si Mayweather so sakey met ya indikasyon ya agtonya asarag ya pasumpalen so laban.
Manisia so boxing analyst ya diad round 1 labat analo si McGregor tan say interon galaw so tinawag tonyan ‘body shot’ o patira-tira labat la ed say pigaran parte laman na kalaban.
Inyarum tonin anengneng to met diad laban da so galaw tan style nen McGregor ya nanlaok na pigaran mixed martial arts.
No nanonotan, asumpal so laban diad 10th round no iner a-technical knock out (TKO) nen Mayweather si McGregor.
