DAGUPAN CITY- Kakabaten ni so duwara ed apatiran papanisiaan ya notoryos ya holdaper kasumpalan ya apatey irad nansiyan ya police operation diad Brgy. Santa Rosa I ed baley na Marilao tan Brgy. Igulot diad Bocaue, Bulacan.
Dagupan City – Kinabat iray apatey ya suspek ya sikara di Aldrin Data tan Roberto Paragas, 33 anyos, residente na Brgy. Bagong Barrio, Caloocan City kaleganan ya kakabaten so kakaiba da.
Onong diad impormasyon , sinita na saray pupulis diad sakey ya checkpoint ira di Data tan Paragas ya akalugan na motorsiklo.
Bangbalet imbes ya untunda, nanpaputok irad police patrol kanyan apasootan ya binmales na putok iray kapulisan.
Kaleganan tonya, apatey met diad shooutout so duwaran agga kabat ya lalaki ya nanholdap ed negosyanten si Robejon Fiestas diad Barangay Igulot.
Arekober ed saray holdaper so cal.22 revolver, taloran cal.38 revolver, apatiran plastic sachet na shabu, duwaran motorsiklo ya anggapoy plaka tan personal ya usar danya.
