DAGUPAN CITY– Sugatan so waloran too kaiba so sakey ya 2 bolan ya ogaw kasumpalan na agawan banggaan na sakey ya pampasaheron bus tan delivery van diad karukuyan na national highway diad Brgy. Maya, Infanta, Pangasinan.
Onong ed inisyal ya imbestigasyon na kapulisan, naandian na control so manubela na van ya imamaneho nen Freddie Baguis, 37 anyos, ya sengegan na inpakakar tod sananey ya lane ya kulaan na babatikan na victory liner bus ya imamaneho nen Rey Lampitos, 48 anyos kanyan agawa so banggaan.
Bukod ed driver na van ,asugatan met so duwaran helper ya sikara di sina Danny Llena, 25 anyos tan Joshua Mejia, 19 anyos ya parehon residente na baley na Mangaldan.
Wala met so asugatan ya pasahero na bus ya kinabat ya sikara di Iana Sabado, 16 anyos; Josefina Cosing, 7 anyos; Gale Monsalud, 2 months old; Edelberto Idnapot, 69 anyos, tan Noime Taban, 21 anyos, yas tampolan met ya inbatik ed ospital diad Sta. Cruz.
Diad kaplesan, patuloy ni imbestigasyon na kapulisan diad abitlan insidente.
