DAGUPAN CITY – Dinumog na dakel ya totoo so Rocklaban battle of the bands na Bomboradyo at Star FM kalabian diad ciudad na Dagupan.
Apilin kampeon diad Rocklaban so bandan Resonance ya analo na P20,000, first runner up so Habananas ya angisempet na 12,000 tan second runner up balet so Project 24/7 ya angisempet na P7,000.
Saray bandan aga analo so akaawat met na tig P1, 500 ya cash prize bilang consolation prize.
Sayan inpantanghal na Bomboradyo Philippines tan Star FM so parte na pisasalamat ed saray agga unsasawan manderengel ed number one radio network diad interon bansa.
Kaleganan tonya, aabangan met natan ya agew so Festivals of the North ya parte na pansilibra na Bangus Festival diad ciudad.
Saya so pibiangan na nanduruman probinsya diad rehiyon uno piyan ipanengneng so saray dawdaweyen ya produkto diad probinsya da.
Ikapot met natan ya kaaguwan iray manunaan ya kalsada diad ciudad no iner nawalaan na rerouting na saray luluganan partikular diad downtown area ya pakagawaan na kompetisyon.
Malet met ya seguridad so ipatonton diad ciudad parad abitlan selebrasyon.
Likod ed Festivals of the north, tatalaranan met so highlight na selebrasyon ya Kalutan ed Dalan diad pegley na kalsada no April 30.
