Bangkay na papanisiyaan ya man live in partner , nalmo ed silong ya taytay

DAGUPAN CITY- Mantumbukan ya nalmo so bangkay na papanisiaan ya manlive in partner diad silong na taytay diad ciudad na Dagupan.

Onong ed kinen PSupt Neil miro, hepe na Dagupan PNP, plimiron anengneng so bangkay na bii ya manlulutang diad parte na silong na taytay diad Tambac Bridge.

Kayari pigaran oras, nalmo met so bangkay na papanisiaan ya live in partner to diad parehon lugar .

Base ed initial ya pan nengneng anggapo so anengneng ya antokaman ya saksak o sugat diad laman danya.

Masakbay ni ya ibagan walay foulplay ya agawa. Agni impalapag na saray otoridad so pikakabat na say duwaran biktima legan ya gagaween so imbestigasyon.

Ginawaan la na medico legal examination so duwara piyan naantaan so tuwan makasengeg na inpatey da.